Khamlang kha hi khareli Christawui pao kapha kala Vareshi wui acham aram katha khala kachi mathei thangmei ranglakha thing ngalungli khorumlaga tamangting eina okthuisaya. Kha 1942 II World War wui atamli kaphungwui apam kachida shipaiwui Head Quarter kahai eina Kasom Khullen lila Refugee Camp shomida camp chiwui khamayonna S. Haitong of Sirarakhong na awui water carrier sada pamda khalei SL.  Thokhenhong of Khamlang li hokhuilaga Christawui pao kapha kala Vareshi wui acham aram kasa khava mathalak eina tamchitheimiya. Kala alila Vareshi sahaoluda kahang eina SL. Thokhenhong wui ningli Vareshi sahaorada nganingtit haoa. Kala amang eina 1943 wui March 14th thang Vareshi saphoka. Kha kala shimkhurna Vareshi masapaimarada kakham chiwui sakashi chili ngacheehaida atam sharakha kharar(ramthing) li yamngathumlaga amang eina kachang kathumshakha Vareshi sai. Yamngathum zatmamanda azingwui mibing hili Vareshi sakhavai khomkhuiya.

our pastors: